ATAQUE ESCAMPE - A grande evasión (2009)

Podes baixar un Zip de 66 Mb co disco enteiro en mp3 ou os temas por separado coas seguintes ligazóns:

ATAQUE ESCAMPE - A grande evasión.zip

1. A grande evasión
2. Europa e o ballet
3. Turnip fields forever
4. Narval
5. Lavacolla
6. A febre
7. Sempre nos matan
8. Os vingativos
9. Ti es lawrence?
10. Alvedro
11. O futuro da navegación
12. O último vampiro
13. No estómago dun crocodilo
14. Estrela errante
15. Peinador
16. A abordaxe final
17. Criptozooloxía aplicada
18. Non hai lúa
19. Alcatraz

Capa do CD / Letras en PDF

		A grande evasión tamén está editado comercialmente. Podes mercalo en CD en A REGUEIFA TENDA, tendas de discos tradicionais e grandes superficies.

ATAQUE ESCAMPE - A grande evasión
Porque existe o mundo e pode ser de todas... Despois de Galicia es una mierda, Ataque Escampe emprende, neste seu segundo disco, a aventura de construír unha epopea: fuxir da prisión para regresar novamente a ela. Teñan o valor de deixarse levar e acompañar ao grupo nesta longa singradura polas melodías da evasión. De certo que acadarán os lugares máis xélidos e afastados, coñecerán as especies imposíbeis e verán solpores que nunca existirán. E perdan coidado polo seu posto de traballo estábel e remunerado, alí onde irán non o han necesitar. Leven, iso si, unha grande mala, pois estas historias son coma souvenirs: pequenas e baratas na súa extensión, mais enormes ao nos transportaren ao lugar máis inseguro, capitais a arder de ruído, continentes especiais, espaciais. E lembre, o seu camarote está nas orellas, pécheas se non quere que lle rouben algún obxecto valioso Ladies and gentlemen, tomen asento, pechen os ollos e vaian quentando os pés. Come fly with us. A aventura pode comezar.

Contacto: ataqueescampe@gmail.com This e-mail address is being protected from spam bots, you need JavaScript enabled to view it / (+34) 625789363
Myspace: http://www.myspace.com/ataquescampe
Blog: http://ataqueescampe.blogspot.com

Participaron n`A grande evasión:

Álex Charlón: voz, coros
Marco Gelpi: guitarra eléctrica
Miguel Mosqueira: guitarras, baixo, coros, voz
Samuel Solleiro: banjo, guitarras, slide, xilófono e coros.
Roi Vidal: batería electrónica, kazoo, coros.
Francesc 'Paq' Esteve: acordeón.
Xoán Lois G. Carlín: piano, teclados e sintetizadores.

Coa colaboración especial de:

Luís Garrido: saxo alto en “No estómago dun crocodilo”
Roi do Forno: violín en “Europa e o ballet”
Manuel Payno: trompeta en “Non hai lúa”

Gravouse nos estudios do edificio Avante (Santiago de Compostela) durante o mes de marzo e foi mesturado e masterizado en abril de 2009.

Gravación: Marcos Payno e Tomás Axeitos
Mesturas: Tomás Axeitos e Marcos Payno
Masterización: Chou
Fotografía: Alba Viñas
Deseño gráfico: Xosé Carlos Hidalgo

Acompañáronnos nesta grande excursión (sen sabelo): John Sturges, María do Cebreiro, Don Siegel, John Huston, Walter Winser, Lonnie Chatron, Antonio Molina, The Mamas & The Papas, Koji Kondo, María Lado, Lee Marvin, The Beatles, Nicholas Ray, Raoul Walsh, David Lean, Neil Young, Andrés do Barro e The Shadows. Elas e eles saberán disimular. A propiedade intelectual é un roubo. Obrigadas a toda a xente que nos quere, xuntas ou por separado. Producido e perpetrado por Ataque Escampe.

DISCOGRAFÍA
-Galicia es una fiesta - Ataque Escampe meets Dr. Painkiller (ARP, 2008)
-Galicia es una mierda (ARP e A Regueifa Discos, 2008)
-Ed Wood e a invasión dos paraugas asasinos (ARP, 2007)

DISCOS COLECTIVOS
-GZ Pop! A nova fornada de pop en galego (Xunta de Galicia, 2008)
-Manifesto Dobarrista (ARP, Lonxa Cultural, Falcatruada 2007)
-Esccolma (Caramuxo 2007)
-Aturuxa! (C.S. Aturuxo 2007)

Criptozooloxía aplicada (Videoclip)

FANNY + ALEXANDER - Alfaias (2009)

Podes baixar un Zip de 84 Mb co disco enteiro en mp3 ou os temas por separado coas seguintes ligazóns:

FANNY + ALEXANDER - Alfaias (2009).zip

1. Setecentos
   
2. Espida de credo
   
3. Tardes de domingo
   
4. Píntamas de escuro
   
5. Na febre dos incendios
   
6. Artefacto Burbur
   
7. Vigo ou Berlin
   
8. Que non caiba máis nada
   
9. Toda esa enerxía escura
   
10. Autopoética in Progress
    
11. Mans abertas e ollos pechados
    

Capa do CD / Letras en PDF

		Alfaias tamén está editado comercialmente. Podes mercalo en CD en A REGUEIFA TENDA, tendas de discos tradicionais e grandes superficies. Tamén está disponible en Itunes.

FANNY+ALEXANDER – Alfaias (A Regueifa Discos, 2009)
Os composteláns Fanny + Alexander están de volta co seu terceiro disco, Alfaias, de novo editado baixo licenza Creative Commons tanto en formato físico a traves de A Regueifa Discos coma en formato mp3 no netlabel A Regueifa Plataforma. Ao longo de once novos temas o duo percorre as distintas aristas do poliédrico Pop contemporáneo, indo dende o pop indietrónico de temas coma Setecentos e Espida de credo até o pop acústico e canónico de músicas coma Tardes de domingo e Na febre dos incendios, sen renunciar nunca á atitude experimentadora e permanente vontade de penetrar en estilos aínda inéditos na nosa lingua, coa firme vocación de levar o pop galego aos sons do século XXI.
Continuando coa liña dos seus dous primeiros traballos, as letras de todos os temas son adapatacións de textos de autores galegos da súa xeración (Mario Regueira, Emma Couceiro, Diego Ameixeiras, Lara Dopazo Ruibal, Xiana Arias, Igor Lugris, Pedro Lamas, Yolanda Castaño, Estibaliz Espinosa, Daniel Salgado e Alberte Momán), contando ademais coa colaboración das voces de Carlos Valcárcel de Projecto Mourente en Artefacto Burbur, Martin Wu de The Homens en Toda esa enerxia escura, Alex Charlón de Ataque Escampe en Vigo ou Berlin e o hammond de Banin de Los Planetas en Tardes de domingo.

Contacto: fannyalexander@gmail.com / (+34) 685886158
Myspace: www.myspace.com/fannyealexander
Web: www.fannyalexander.net
Fanny + Alexander en Facebook

Fanny + Alexander: Efi (voz, guitarra acústica e frauta traveseira) e Noel (voz, guitarra eléctrica, guitarra midi, teclados, baixo, batería electrónica, gaita midi, sampling, arranxos e programacións).

Todos os temas compostos, interpretados e producidos por Fanny + Alexander. As letras son adaptacións de poemas dos seguintes autores: Mario Regueira (1), Emma Couceiro (2), Lara Dopazo Ruibal (4), Xiana Arias (5), Igor Lugris (6), Pedro Lamas (7), Yolanda Castaño (8), Estibaliz Espinosa (9), Daniel Salgado (10) e Alberte Momán (11). Tardes de domingo (3) é a adaptación dun capítulo da novela Tres segundos de memoria de Diego Ameixeiras. Colaboraron coas súas voces: Carlos Valcárcel de Projecto Mourente (6), Martin Wu de The Homens (9), Alex Charlón de Ataque Escampe (7). Esteban Fraile "Banin" de Los Planetas tocou o hammond en Tardes de domingo. Foto da capa de Ed Uthman baixo licenza Creative Commons. Gravado, mesturado e masterizado na casa entre o inverno de 2008 e a primavera de 2009.

DISCOGRAFIA:
- Fanny + Alexander - Alfaias (2009)
- Fanny + Alexander - Finais dos 70's, comezos dos 80's (2007)
- Fanny + Alexander - Lusco e fusco (2006)

DISCOS COLECTIVOS:
- VV. AA - GZ POP! A nova fornada de Pop en Galego (2008)
- VV. AA. - Manifesto Dobarrista (Falcatruada, 2007)
- VV. AA. - EsCColma. Escoita e apoia (Caramuxo, 2007)
- VV. AA. - A Per Loca (Komunikando, 2006)

BANDAS SONORAS:
- NEMO (Miguel Mariño, 2008)
- SANATORIO (Jacobo Paz, 2006)

Setecentos (Videoclip)

Espida de credo (Videoclip)

PROJECTO MOURENTE - Kara.o.ke (A Regueifa Discos, 2008)

Podes baixar un Zip de 80 Mb cos catorce temas de Kara.o.ke en mp3 premendo aqui ou baixalos directamente coas seguintes ligazóns :

1. Demasiado popi
2. Cobro em B
3. Chuliboy
4. Nada muda
5. Controla-te
6. Karaoke
7. Vamos queimar Paris
8. Nom tes cargo
9. Os piores inimigos
10. Eu só
11. Nom podo máis
12. Chuliboy (Cable Remix)
13. Cobro em B (Fanny+Alexander Remix)
14. Demasiado popi (Colectivo Oruga Remix)

Capa do CD / Libreto / Letras

Kara.o.ke tamén está editado comercialmente. Podes mercalo en tendas de discos e grandes superficies ou ben na nosa TENDA ONLINE.

PROJECTO MOURENTE - Kara.o.ke (2008)
Tras o inesperado sucesso do seu primeiro álbum "Baixo os eucaliptos", volta o Projecto Mourente com um novo trabalho mais meditado que, como novidade, também será editado em suporte físico pola Regueifa Discos. Com "Kara.o.ke", o projecto abre-se à participaçom de várias persoas seguindo os princípios que se marcáram nos seus inícios: fazer pop electrónico na casa como passa-tempo. Baixo este lema acompanham a Carlos Valcárcel Martin Wu (The Homens) e Noel Feáns (Fanny & Alexander) tocando guitarras, Xan Vázquez nos coros e Yolanda Valcárcel como voz adicional no projecto. Nos novos temas pode-se apreciar uma certa influência rock, especialmenete em "Controla-te" ou "Cobro em B", ainda que as referências principais de Projecto Mourente continuam sendo bandas míticas do electropop europeu como Bronski Beat, Pet Shop Boys ou Erasure, ou hispánico como Fangoria, Astrud ou mesmo OBK. Os novos temas venhem acompanhados, ademais, dos remixes de Cable, Fanny & Alexander e Colectivo Oruga e de uma versom do hit de The Homens "Non podo máis". As letras deste segundo álbum profundam na ironia e na retranca de "Baixo os Eucaliptos" e o próprio título "Kara.o.ke" constitui, de facto, um jogo de palavras no que o escárnio do alheio se torna autocrítica.

Contacto: projectomourente@hotmail.com / (+34) 657623332
Blog: http://www.prosciuttomourente.blogspot.com
Myspace: http://www.myspace.com/projectomourente

Carlos Valcárcel: letras, músicas, voz, programações e desenho.
Yolanda Valcárcel: voz em 02 e 07, coros em 09.
Xan Vázquez: coros em 03, 04, 06 e 09.
Paulino e Freire (de Cotovía): vozes em 09
Martin Wu: guitarra eléctrica em 01 (sobre uma ideia de Quincho Araújo) e 05.
Noel Feáns: guitarra acústica em 07 e masterizaçom.
Marinha de Alhegue: fotografias.

Gravado no inverno de 2008 num apartamento da cidade de Compostela.

O Projecto Mourente quer expressar o seu agradecimento á Regueifa Plataforma, The Homens, Fanny e Alexander, Marinha de Alhegue, Ígor Pereda, Xan Vázquez, Cable, Colectivo Oruga, Proxecto-ds, Danny Goyanes, Quincho Araújo, Karaoke Manhattan, Gustavo Harvey, Bruno Maceiras e Rubén Lezcano pola sua colaboraçom desinteressada na elaboraçom deste disco. "Non podo máis" é un tema orixinal de The Homens.

Yolanda e Carlos querem-lhe agradecer especialmente a Malena, Xosé, Manuel e Rosa o seu carinho e apoio incondicionais.

PROJECTO MOURENTE - Os piores inimigos

ATAQUE ESCAMPE - Galicia es una mierda (A Regueifa Discos, 2008)

Podes baixar un Zip de 62 Mb cos trece temas de Galicia es una mierda en mp3 premendo aqui ou baixalos directamente coas seguintes ligazóns :

1. Akira Toriyama
2. A granxa de Alexandre
3. Nadina
4. A banda desdenhada (entre o Leo e o mamoneo)
5. Serafín
6. I'm Not Your Man
7. Canción para pechar o Ruta
8. Quero ser o malo da película
9. Vista Alegre
10. Arredor da cuestión nacional
11. Galicia es una mierda
12. O longo adeus
13. Tres cantos a Lenin

Capa do CD / Letras

Galicia es una mierda tamén está editado comercialmente. Podes mercalo en tendas de discos e grandes superficies ou ben na nosa TENDA ONLINE.

ATAQUE ESCAMPE - GALICIA ES UNA MIERDA (2008)
Ataque Escampe pretende acoller en 47 minutos de musica dispersa e aridez sonora todas as contradicións existentes na Galiza, no mundo e na historia da música. De Manuel Antonio aos Tonechos, de John Wayne a Lenin, e de Neil Young aos Panchos. A
resolución, no mellor dos casos, estará nas orellas d@s que escoiten.
Ou non estará…ou será Spam.

SPAM
En Siberia estamos moitos xa por sempre derrotados. Só podemos cantar o branco desta hora, porque ao final de nada serven quilómetros e alcoholímetros, os segundos e os metrónomos, tantos decibelios como pouca a xente, toda esa caterva de desastres técnicos (táboa tras táboa, micro tras micro, resaca tras resaca), e só podemos cantar o branco desta hora na que semella que xa non estrelampará nunca. Porque seguimos no mesmo porto do que partimos, na liña de saída que algún día soñamos que nos había levar ao Tourmalet ou a calquera outro Medulio, mais que cedo descubriremos como o peor dos espellismos, de haberen espellismos nesta salvaxe tundra do cotiá.

Hoxe só nos queda Vista Alegre, onde nace e morre toda Compostela. Hoxe só nos queda a seguridade de descoñecer se é ou non a Ruta 66 o mellor camiño para chegar ao Conxo das nosas traxedias sinfónicas. Hoxe só nos fica a cita literaria como un exercicio de decadentismo pretendidamente posmoderno, mentres un aquel de folerpas afganas insisten en nós aseverar que xa non, que desistamos, que non escampará; non mentres as cordas rotas continúen a se mofar da dor que nos provoca a insuficiencia do real, o metal das compañeiras, un dragón asiático, os cubiños de xeo, transparentes coma bumeráns.

Hoxe, como entón, só as pendentes dos pentagramas que non sabemos escribir. A rabia dos concertos nos que non fomos capaces. Os versos que non encabalgamos. Os grafitis que non soubemos ilegalizar: Galicia is diferent. Galicia Calidade. Galiza GAL & CÍA. Galicia is a shit. E, claro, como non podía ser doutro xeito, quédanos tamén (algo é algo) este odioso sentido do humor no que nos refuxiamos da sarabia, e que nos fai dicir, con prosodia de himno e un ridículo sorriso entre os audífonos: Galicia is a shit, but Galicia is not spam.

Contacto: ataqueescampe@gmail.com / (+34) 625789363
Myspace: http://www.myspace.com/ataquescampe
Blog: http://ataqueescampe.blogspot.com/

Ataque Escampe son:
Roi Vidal Ponte: percusións, kazoo, labios, lixas, harmónica, coros, voces.
Marco Gelpi: acordeón, cuncas tibetás, trompeta, guitarra.
Samuel Solleiro: violín, guitarras, teclas, coros, asubíos, voces.
Miguel Mosqueira Fociños: guitarra acústica, baixo, teclas, campás, coros, voces.
Alex Charlón: voz

Participaron:
Xoel Méndez: banjo, cuatro
Paku Granxa: voces
Juan José Carbonell: congas
Iván Pantín: tuba
Xoán Lois G. Carlín: piano, caixa
Borxa Insua: serrucho
Andrea Frayas (Sacha na Horta) canta en Serafín
Brais Gutiérrez (Sacha na Horta) toca o acordeón en Serafín
Xoán Xosé Cruz (Qronopios) toca o clarinete en Arredor da cuestión nacional e A granxa de Alexandre

Rematado de gravar o 17 de xaneiro de 2008 no estudio Pousada Son (Ames)
Son e mesturas: Yago Pico
Masterización: Noel Feáns
Produción: Ataque Escampe
Todos os temas compostos por Ataque Escampe
Ilustración e deseño: Adrián Solleiro
Fotografía: Alba Viñas

Ataque Escampe - Pra che falar de amor (na TVG)

FANNY + ALEXANDER - Finais dos 70s, comezos dos 80s (A Regueifa Discos, 2007)

Podes baixar un Zip de 92 Mb cos doce temas de Finais dos 70s, comezos dos 80s en mp3 premendo aqui ou baixalos directamente coas seguintes ligazóns :

1. Maria Silenzo
2. Amei-te tanto
3. Danzarei para ti... se botas outra moeda
4. Cando eu era mozo
5. Funcionaria ou estudante
6. Postpunkdeirada
7. A estación sen ti
8. Asi é imposible
9. Pánico (merda de DJ)
10. Danzarei para ti (Projecto Mourente Remix)
11. Sós/S.O.S. (Projecto Mourente Remix)
12. Berlín (con María Lado)

Capa do CD / Letras (en .pdf)

Finais dos 70s, comezos dos 80s tamén está editado comercialmente. Podes mercalo online en A REGUEIFA TENDA ou ben en Itunes, tendas de discos tradicionais e grandes superficies.

FANNY+ALEXANDER – FINAIS DOS 70s, COMEZOS DOS 80s (2007)
Os composteláns Fanny + Alexander voltan con "Finais dos 70s, comezos dos 80s", un segundo traballo no que de novo estenden os límites do pop galego a base da mestura desacomplexada de estilos, tradicións e sensibilidades. Nos doce temas que fan parte do disco o dúo deixa poucos paus contemporáneos sen tocar, dende o pop electrónico de "María Silenzo", "Amei-te tanto" ou "Funcionaria ou estudante" até o ton New Wave de "Danzarei para ti... se botas outra moeda", pasando por experimentos coma "Postpunkdeirada" -un tema que ven ser un novo estilo musical en sí mesmo- ou "Cando eu era mozo", unha boutade en clave R n' B que soa coma o faría Timbaland se tivese o seu estudo nunha palloza do Cebreiro e no que participa coma convidado estelar Carlos Valcárcel AKA Projecto Mourente.
Continuando coa liña iniciada no seu debut, Lusco e Fusco, as letras de todos os temas son adapatacións de obras de poetas galegos (María do Cebreiro, Lois Pereiro, Daniel Salgado, Ricardo Carvalho Calero, Elvira Riveiro, Pilar Pallarés e Minus Bálido Rodriguez), incluindo ademáis coma bonus track "Berlín", o spoken word de María Lado musicado polo grupo, asi coma dúas remesturas a cargo de Projecto Mourente e unha peculiar versión de The Smiths.

Contacto: fannyalexander@gmail.com / (+34) 685886158

Myspace: http://www.myspace.com/fannyealexander

Web: http://www.fannyalexander.net

Fanny + Alexander en Facebook

Fanny + Alexander: Efi Arias (voz, guitarra acústica e frauta traveseira) e Noel Feáns (voz, guitarra eléctrica, guitarra midi, teclados, baixo, batería electrónica, gaita midi e programacións).

Todos os temas compostos, interpretados e producidos por Fanny + Alexander. As letras son adaptacións de poemas dos seguintes autores: Ricardo Carvalho Calero (1), Pilar Pallarés (2), Elvira Riveiro (3), María do Cebreiro (5), Lois Pereiro (6), Daniel Salgado (7) e Minus Bálido Rodríguez (8). Berlín é un poema de María Lado recitado polo propia autora. Pánico (merda de DJ) é unha versión de The Smiths. Foto da capa de Mike Schultz baixo licenza Copyleft. Gravado, mesturado e masterizado na casa no verán de 2007.

DISCOGRAFIA:
- Fanny + Alexander - Finais dos 70's, comezos dos 80's (2007)
- Fanny + Alexander - Lusco e fusco (2006)

DISCOS COLECTIVOS:
- VV. AA - GZ POP! A nova fornada de Pop en Galego (2008)
- VV. AA. - Manifesto Dobarrista (Falcatruada, 2007)
- VV. AA. - EsCColma. Escoita e apoia (Caramuxo, 2007)
- VV. AA. - A Per Loca (Komunikando, 2006)

BANDAS SONORAS:
- NEMO (Miguel Mariño, 2008)
- SANATORIO (Jacobo Paz, 2006)

VIDEOCLIP DE "AMEI-TE TANTO"":

VIDEOCLIP DE "MARIA SILENZO"":

VIDEOCLIP DE "LENE":